دەستكەڤتەكێ دیرۆكی بوو شیاین ناسناڤێ ئیراقێ ژ هەولێرێ بینینە پارێزگەها دهۆكێ
شاهۆ فەرید:
د دیدارەكا تایبەت دا ڕاهێنەرێ تیما ڤۆلی بولا یانەیا سەنحاریب د. هەكار برقی بۆ رۆژنامەیا ئەڤرۆ دیار كر ئەو پلانا مە بۆ تیما خوە داناتی شیان ب جوانی كار ل سەر بكەین و هەر ژ ڤاڤارتنا مە ووردی و هەستیاری ژلایێ یاریزانان ڤە خالێن پلانێ ب جهئینان، هەروەسان ژلایێ د. وارهێلی ڤە گەلەك هاریكاری دكر ب تایبەتی لایەمێ ئارامكرن و دانا وانەیێن دەرونی بۆ یاریزان بۆ هەر یارییەكێ كونترۆلێ سەرخوە بكەن.
زێدەتر ناهاتی گۆت ژی: نە دەستنیشانكرنا من بۆ هەلبژارتیێ ئیراقی دیارە ئەو ژ دەستەكا دی باوەریا بۆ وانا پترا هەیە، سەرۆكێ یانەیێ داود رەبەن هەردەم پالپشت و هاریكارە كو دبیتە ئەگەر پتر كار لسەر تیمێ بكەم، ئەڤە بۆ ماوەیێ شەش سالانە شیاینە كارەكێ باش بكەین و دەرئەنجام دانانا نڤشەكێ خودان شیان و زیرەك و دەستڤەئینانا دو ناسناڤێن ئیراقێ، پێنەڤێت ئەڤە ژی ب سانەهی نەهاتییە بەلكو كارەكێ ب كۆم و ڕژد یێ كادرێ ڕاهێنانێ، یاریزانان و كارگێرییا یانەیێ، د بەرانبەر دا فێدراسیونێ هیچ جارەكێ پشتەڤانییا تیما مە نە كرییە.
ژلایەكێ دووڤە د. هەكاری گۆت: بۆ فینالا ئیراقێ یا بەری حەفتییەكێ من دو پلانێن جێگیر و دەستنیشانكری دانابوون، نا ڤەشێرم د پلانا ئەی دا مە سەركەڤتن نە ئینا، لێ هەرزوو مە گۆهارت بۆ پلانا بی و بەری یاریێ من هەموو یاریزان ئاگەهداركرن دێ ب پلانا بی یاریێ كەین، من بەرپرسیارەتیا گێمێ ئێكێ ب ستۆیێ خوەڤە گرت، مەرەم ژی من دڤیا تیما بەرامبەر بخوینم دا پلانا مە سەركەفتی بیت و یا پێگهور ژی هەبوو، دماوەیێ یاریێ دا ب هەستیاری وەكو كادرێ ڕاهێنانێ سەرەدەری دكر و خال ب خال من داخوازا بجهئینانا پلانێ دكر، ل دووماهیێ ئەم شیان ب گەهینە ئارمانجا خوە و ناسناڤێ دیرۆكی بۆ جارا دویێ ب دەستڤە بینن.
ژلایەكێ دووڤە ڕاهێنەرێ یانەیا سەنحاریب رۆلێ سەرۆكێ یانەیا دهۆكێ د. عەبدوللای بۆ پشتەڤانییا وی كر ژبیر نەكر و گۆت: یانەیا سەنحاریب وەكو نوونەرا پارێزگەها دهۆكێ و دەڤەرا بەهدینان بوو، لەوما ژی مە ب بەرپرسیارانە كار دكر و كارگێرییا یانەیێ ژی شیان گرێدانەكێ دناڤبەرا خەلكێ دەڤەرا بەهدینان چێكەن و دلێ هەموو پشتەڤانێن وەرزشی كەیفخوەش بكەین، رۆژەكا دیرۆكی بوو ل هەولێرێ مە ناسناڤێ ئیراقێ بۆ دەڤەرا بەهدینان ئینای.
د. هەكار برقی ئەوچەندە ژی گۆت: هەر دەما یانەیێن مە ئێك دەستبن دێ سەركەفتن مسۆگەر بیت، پێكهاتیێ تیما سەنحاریب هەمی بهێنە هەلبژارتن بۆ هەلبژارتیێ ئیراقێ جهێ سەر بلندیێ یە بۆ گشت پارێزگەهێ و تایبەت بۆ من وەكو ڕاهێنەر، سوپاسییا جەنابێ پارێزگاری د. عەلی تەتەری دكەین بۆ پێشوازیا مە كری و پالپشتیا خوە دیار كر د پشكداریێن مەیێن دەرەكی، دو قارەمانیێن دەرڤە ل پێشیسا مە هەنە ئەو ژی قارەمانیا یانەیێن ئەرەبی و رۆژئاڤایێ ئاسیا دێ بینە نوونەریێن دهۆكێ و ئیراقێ، پالپشتی و هاریكاری مە بهێتە كرن دا تیمێ ب هێزتر لێبكەین و ناسناڤێ خوە پارێزین و پێدڤیا مە پێ هەیە.
