بارەگایێ نوو یێ كوژیێ ئەمریكی ل زانكۆیا دهۆك هاتە ڤەكرن
زانكۆیا دهۆك ب شانازی ڤە بارەگایێ نوو یێ كوژیێ ئەمریكی، كو دكەڤیتە ناڤەندا قوتابیان، دوهی 9/9/2025 د رێورەسمەكێ تایبەت دا ب ئامادەبوونا قونسلا گشتی یا ئەمریكا خانم وێندی گرین و سەرۆكێ زانكۆیا دهۆك دكتۆر داوود سلێمان ئەتروشی ڤەكر.
كوژیێ ئەمریكی وەكو بنگەهەك بۆ لێكگوهۆڕینا كەلتووری، فێركرنێ و شیاندنا قوتابیان رۆلێ خۆ گێڕایە و ب تنێ د سالا بۆری دا، پتر ژ 40 چالاكی رێكخستبوون و دو هزار و 850 كەسان پشكداری تێدا كربوو.
قونسلا گشتی یا ئەمریكا ل هەرێما كوردستانێ پەسنا زانكۆیا دهۆك كر و گۆت: «گەنج سەركردێن مەنە، پاشەرۆژ د دەستێ وان دایە».
كوژیێ ئەمریكی دێ دەلیڤەیێن نوو بۆ گەنجان، دیالۆگێ و داهێنانێ دروستكەت.
