پارێزگارێ دهۆكـێ و قونسلا ئەمریكا ل هەرێمێ دوپاتی ل خورتكرنا پەیوەندیان كر
د. عەلی تەتەر، پارێزگارێ دهۆكێ دوهی 9/9/2025 ل كوچكا مێهڤانداریان پێشوازی ل خانم گۆێندۆلین وێندی گرین، قونسلا وەلاتێ ئەمریكا ل هەرێما كوردستانێ و شاندێ د گەل دا كر.
د هەڤدیتنەكا دوستانە دا بەحسێ رەوشا دەڤەرێ و پەیوەندیێن دێرین د ناڤبەرا هەرێما كوردستانێ و وەلاتێ ئەمریكا د بیاڤێ سیاسی و لەشكری و ئابووری و گەشتیاری و زانین و زانستێ دا و گرنگیا هاتنا شاندێ مەزن یێ كۆمپانی و بازرگانێن ئەمریكی بۆ هەرێمێ ب گشتی هاتە كرن.
د تەوەرەكێ دی دا بەحسێ رەوشا پێكڤەژیانا ئولی و نەتەوەیی و رەوشا ئاوارە و پەنابەران ل سنۆرێ پارێزگەهێ و ئەو كار و خزمەتێن حكومەتا هەرێما كوردستانێ بۆ پێشكێش دكەت؛ هاتە كرن.
پارێزگارێ دهۆكێ و قونسلا وەلاتێ ئەمریكا خۆشحالیا خۆ ب هەبوونا پەیوەندیێن خۆرت د ناڤبەرا هەردو لایان دا دیاركر و خواستن ئاستێ وان پەیوەندیان د بیاڤێن ناڤبری دا پتر پێش بكەڤیت.
