بۆ وەرزێ بهێت بەرنامەیەكێ نوو هەیە
شاكر ئەتروشی:
مەدیاكار (دلوڤان سەدیق عەلی) كو خەلكێ ئیدارەیا سەربەخوە یا زاخۆیە، د دیدارەكێ دا بۆ رۆژنامەیا ئەڤرۆ گۆت: دژیەكێ بچووكدا من حەزژ كارێ راگەهاندنێ دكر، ب تایبەت گرتنا وێنەیان، پشتی ل سالا (2010) دەلیڤە هاتی ب شێوەیەكێ فەرمی ل دەزگەهێ گۆڤەند یێ رەوشەنبیری و راگەهاندنێ هاتمە وەرگرتن و دهەمان سالدا من بەرنامەیێ (گەشبین) ل كەنالێ چارچرا پێشكێشكر، هەروەسا ل رادیۆیا ژین ژی من بەرنامە هەبوو.
هەروەسا گۆت: ل سالا (2011) ئەز بوومە بەرپرسێ پشكا بەرنامەیان ل دەزگەهی و ژ سالا (2012) وەرە هەتا نوكە ئەز ئەندامێ دەستەیا كاگێڕیا دەزگەهێ گۆڤەند یێ رەوشەنبیری و راگەهاندنێ مە و د سالێن درێژ و كاودانێن سەخت دا مە گەلەك قوربانی بۆ ڤی دەزگەهی داینە، ئانكو هوسا ب ساناهی نەهاتیە كو دەزگەهەكێ مەزنێ راگەهاندنێ ل زاخۆ كو ژ دو تەلەفزیۆن و رادیۆیەكێ و هژمارەكا پلاتفۆرمێن بهێز یێن سۆشیال میدیایێ پێك دهێت.
ل دووماهیێ گۆت: هەلبەت ئەم شانازیێ پێ دبەین كو د سێ سالێن بۆری دا ئەو سازیێن راگەهاندنێ ئەوێن سەر ب دەزگەهێ گوڤەند ڤە، ژوانا هەردو كەنالێن مە (زاخۆ تیڤی و زاخۆ سپۆرت تیڤی) دراپرسیا ئاژانسا راما ئێجەنسی دا زاخۆ تیڤی پێشڤەچوونەكا باش تۆماركریە و شیایە ل رێزێن بەراهیێ بهێت ل سەر ئاستێ دەڤەرا بەهدینان و ئێكەم كەنالێ لۆكالە ل سەر ئاستێ دهۆك و زاخۆ، لەورا سەرێ مە ب كەنالێ زاخۆ یێ بلندە، چنكو زاخۆ تیڤی ب درێژاهیا سالێن بۆری كارێن گەلەك باش و بەرنامەیێن جۆری و ژێگرتی پێشكێشكرینە، بۆ زانین ڤی كەنالی (20) كارمەند هەنە، لێ دشێم بێژم ل جهێ (60) كارمەندان كاردكەن، بۆ وەرزێ نوو یێ تەلەلەفزیۆنێ ژی گەلەك بەرنامێن نوو دێ هەبن، كو ئێك ژوان بەرنامەیێ منە ب ناڤێ (مژار).
