ئێکەتیا ئۆرۆپا هۆشداریێ ددەتە ئسرائیلێ
سەرۆکا کۆمسیۆنا ئێکەتیا ئۆرۆپا دیار کر، وان گەلەک جاران داخواز ژ ئسرائیلێ کرینە کو شەڕێ غەزە ب دووماهی بینیت و خەلکی وێ دەڤەرێ ژی نەچار نەکەت دا بچنە جهەکێ دی، لێ مخابن ئسرائیلێ هەموو قانوونێن نێڤدەولەتی بنپێکرینە و وەکو ئێکەتیا ئۆرۆپا ئەو دێ بزاڤێ کەن رێککەفتنێن د بیاڤێن ئێمناهیێ و بازرگانیێ دا کو بەری نها ل گەل ئسرائیلێ هاتینە کرن هلوەشینن و دەست ب سزادانا ئسرائیلێ بکەن.
ئۆرسۆلا ڤۆندێر لاین ئەو یەک ژی دیار کر، یا نها ل غەزە روو ددەت شەرمزاریەکا مەزنە و وەکو ئێکەتیا ئۆرۆپا ئەو نەشێن ل هەمبەر کریارێن ئسرائیلێ بێدەنگ بن، دڤێت رێگری ل ئسرائیلێ بهێتە کرن و ژ بەر ڤێ یەکێ ژی وەکو کۆمسیۆنا ئێکەتیا ئۆرۆپا ئەو دێ کار بۆ هلوەشاندنا چەندین رێککەفتنێن بارزگانی و سەربازی یێن ل گەل ئسرائیلێ کەن، راستە ئەو یەک ب ساناهی نینە، لێ دڤێت بهێتە کرن.
