ئەڤ کارێن دبنە ئەگەرێ بلندبوونا فشارا خوینێ
-1 نەخوارنا تێشتا سپێدێ:
تێشتا سپێدێ نە ب تنێ هێزێ ددەتە لەشی، بەلکو ڕۆلەکێ گرنگ د ڕێکخستنا زەختا خوینێ دا هەیە.
-2 زێدە ب کارئینانا دەرمانێن ئێشکێمکرنێ: زێدە ب کارئینانا وان دبیتە ئەگەرێ بلندبوونا فشارا خوینێ، ئەڤ دەرمانە کارتێکرنێ لسەر کارکرنا گولچیسکان دکەن و ئەڤ چەندە ژی کارتێکرنێ لسەر ڕێژا سۆدیۆم و شریناهیێن لەشی دکەت کو د لەشی دا دھێلیت، ھەردویان ژی پەیوەندی ب بلندبوونا فشارا خوینێ ڤە ھەیە.
-3 ژیان د ژینگەھەکا ب دەنگەدەنگا بەردەوام دا: دبیت جھێ مەندەهۆشیێ بیت، لێ بەرکەفتنا دەنگێ ھاتنوچوونێ، دەنگێ بلندێ تەلەفزیۆنێ، یانژی دەنگێ قەرەبالغا بەردەوام د مال دا دشێت فشارا خوینێ بلند بکەت. ڤەکۆلین دبێژن کو دەنگەدەنگا بەردەوام ڕێرەوێن سترێسێ د مەژی دا چالاک دکەت و ب ڤێ چەندێ خوینبەرێن تە تێک دچن.
-4 ڕاگرتنا میزێ بۆ دەمەکێ درێژ: گەلەک کەس د دەمێ مژویلییێ دا میزکرنێ پشتگوھـ دهاڤێژن، بەلێ دوبارەکرنا وی کاری فشارێ دئێخیتە سەر میزدانکێ و گولچیسکان، و دگەل دەربازبوونا دەمی ئەڤ چەندە فشارێ دئێخیتە سەر زڤڕینا خوینێ و دشێت فشارا خوینێ بلند بکەت.
-5 نەڤەخوارنا ئاڤا پێدڤی: نەڤەخوارنا ڕێژا پێدڤی یا ئاڤێ و ھشکبوونا لەشی کارتێکرنەکا نەرێنی لسەر لەشی دروست دکەت و دبیتە ئەگەرێ بلندبوونا فشارا خوینێ.
-6 زێدەخارنا ترشیاتان: دبیت ترشاتی ب ڕێژەکا کێم بێ زیان دیاربن لێ ڕێژەکا زۆرا خوێ تێدا هەیە کو ئەگەرەکێ ڤەشارتیە بۆ بلندبوونا فشارا خوینێ.
-7 روینشتن بۆ دەمەکێ درێژ: روینشتنا بۆ دەمەکێ درێژ پەیوەندی ب نەخۆشیێن دلی ڤە ھەیە و ڕەوشا لەشی خرابتر دکەت، ڕێگریێ ل چوونا خوینێ دکەت و لەشی نەچار دکەت پتر کار بکەت بۆ زڤڕاندنا خوینێ و ئەڤ چەندە دبیتە ئەگەرێ بلندبوون و نزمبوونا فشارا خوینێ.
-8 کێم نڤستن یان زێدە نڤستن: نڤستنا کێمتر ژ شەش دەمژمێران یان پتر ژ نەھـ دەمژمێران ڕیتمێن ڕۆژانە یێن لەشێ تە تێکددەن. ئەڤ نەھەڤسەنگیە ھورمونێن سترێسێ زێدە دکەت، وەک کۆرتیزۆنی کو ڕۆلەکێ ڕاستەوخۆ د بلندکرنا فشارا خوینێ دا ھەیە.
-9 تۆرەبوون: گەلەک جاران سترێسێ پەیوەندی ب بلندبوونا فشارا خوینێ ڤە هەیە، هەروەسا پەیوەندی ب وێ چەندێ ڤە هەیە کو تۆ چاوا سەرەدەریێ دگەل هەستێن خۆ دکەی.
-10 خارنێن ئامادەکری: پتریا وان ڕێژەکا زۆرا شەکر و سۆدیۆمێ تێدا ھەیە. خارنا ڤان خارنان ب شێوەکێ بەردەوام دشێت پشکداریێ د بلندبوونا فشارا خوینێ دا بکەت.
