مسر ب توندی هۆشداریێ ددەتە ئسرائیلێ
بەرپرسەکێ وەزارەتا دەرڤە یا مسرێ بۆ رۆژنامەیا واشنتۆن پۆست دیار کریە، زانیاریێن تەمام ل بەر دەستێ وان هەنە کو بەری ئسرائیلێ ئێرشی قەتەرێ بکەت بزاڤا ڤێ یەکێ کریە ئێرشی سەرکردەیێن حەماسێ ل مسرێ ژی بکەت و هەکە ئسرائیل تشتەک وەسا بدەت مسر دێ ب هەموو هێزا خوە بەرسڤا ئسرائیلێ دەت و ئەو یەک دێ بیتە ئەگەرێ روودانا شەڕەکێ نوو ل دەڤەرێ.
هەمان بەرپرسی ئەو یەک ژی دیار کریە، دڤێت جڤاکێ نێڤدەولەتی ل هەمبەر کریارێن ئسرائیلێ ل غەزە، یەمەنێ و لوبنانێ بێدەنگ نەمینن، مخابن بێدەنگیا جڤاکێ نێڤدەولەتی وەسا کریە ئسرائیلێ ئێرشی قەتەرێ ژی کر و دبیت پاشی ئێرشی گەلەک وەلاتێن دی ژی بکەت و بێگومان ئەو یەک دێ بیتە ئەگەرێ ئالۆزیێن گەلەک مەزن ل رۆژهەلاتا ناڤین و دێ کاریگەریا خوە یا گەلەک خراب ل سەر هەموو جیهانێ ژی هەبیت، گرنگە یا پێدڤی ل دژی زێدەگاڤیێن ئسرائیلێ بهێتە کرن.
