هـەسەدە هـۆشداریێ ددەتە هـێزێن سـووریێ
فەرمانداریا گشتی یا هێزێن سووریا دیموکرات دیار کر، دوهی ل رەخ رووبارێ فوراتێ هێزێن سەر ب شامێ کو مژوولی کارێ قەچاغیێ بوون ئێرشی هێزێن وان کرینە و هێزێن سووریا دیموکرات ژی بەرسڤا وان داینە و هەروەسا ل دێرازۆرێ ژی هێزێن سەر ب سووریێ ئاریشەیان بۆ وان دروست دکەن، وەکو هێزێن سووریا دیموکرات ئەو رەفتارێن وان گرۆپان کو سەر ب لەشکرێ سووریێ نە ب توندی شەرمزار دکەن و داخواز ژ دەستهەلاتا نها یا شامێ دکەن رێ نەدەت رەوشا سووریێ ئالۆزتر لێ بهێت.
فەرمانداریا گشتی یا هێزێن سووریا دیموکرات ئەو یەک ژی دیار کریە، هێزێن وان د ئامادەباشیێ دانە و هەر ئێرشەک ژ ئالیێ لەشکرێ سووریێ ڤە بهێتە کرن ئەو دێ ب توندی بەرسڤێ دەن و رێ نادەن هێزێن سووریێ و هندەک ژ گرۆپێن چەکدار ل دەڤەرێن ژێر دەستهەلاتا هەسەدێ ئاریشەیان دروست بکەن، د هەمان دەمی دا ئەو داخواز دکەن پرسێن هەی دوور ژ شەڕی بهێنە چارەسەرکرن.
