جڤاتا سه‌ركرداتيا پارتى دێ ل دۆر دستوورى و ماوێ سه‌رۆكاتيا بارزانى كۆم بيت
ئه‌ڤرۆ نيوز:
ئه‌ندامه‌كێ جڤاتا سه‌ركرداتيا پارتى ديموكراتى كوردستان راگه‌هاند، ئێكشه‌مبيا بهێت جڤاتا سه‌ركرداتيا پارتى دێ بۆ دانوستاندنێ ل سه‌ر پرسا دستوورى و سه‌رۆكاتيا هه‌رێمێ كۆمبيت.
عه‌لى حسێن ئه‌ندامێ جڤاتا سه‌ركرداتيا پارتى ديموكراتى كوردستان بۆ مالپه‌رێ فه‌رميێ پارتى ديموكراتى كوردستان KDP.info گۆت: “بڕياره رۆژا ئێكشه‌مبى جڤاتا سه‌ركراتيا پارتى ديموكراتى كوردستان كۆمبوونا ئاسايا خوه ئه‌نجام بده‌ت كو هه‌ر سێ هه‌يڤان جاره‌كێ ئه‌نجام دده‌ت”.
ئاماژه ب وێ چه‌ندێ ژى كر كو كۆمبوونا ڤێ جارێ دێ زێده‌تر گرێدايى ره‌وشا نوكه يا كوردستانێ وه‌كو دستوورى و سه‌رۆكاتيا هه‌رێمێ و كۆمه‌كا دى يا پرسان بيت.
دا زانين ژى كو د كۆمبوونێ دا دێ بۆچوونا پارتى ل دۆر وێ پرسێ هێته دياركرن كا چاوان دانوستاندن ل سه‌ر بهێته كرن و ب چو ره‌نگ بيت و گۆت: “بۆچوون دێ د ڤى وارى دا هێنه گوهۆڕين”.