39 كەسێن موسلمان و كریستیان ل گوندێ (صۆریا) پێكڤە هاتبوونە شەهیدكرن
لەزگین جۆقی:
بەری 56 سالان موسلمان و كریستیانێن خەلكێ گوندێ صۆریا یێ سەر ب دەڤەرداریا زاخۆ ڤە هاتنە گوللەبارانكرن و د ئەنجام دا 39 كەس شەهید بوون.
عومەر مونیر، ئێك ژ رزگاربوویێن كارەساتا گوندێ صۆریا بۆ ئەڤرۆ گۆت: «56 سال ب سەر كۆمكوژیا گوندێ صۆریا دەربازبوون، ئەز ب خۆ ئێك ژ وان كەسان بووم، ژ كارەساتا گوندێ صۆریا رزگاربوویمە، ل ڕۆژا 16/9/1969د كارەساتەكا دلتەزین دا موسلمان و كریستیان پێكڤە ژ لایێ رژێما دكتاتۆرا وی دەمی یا ئیراقێ ڤە هاتنە گوللەبارانكرن، گەنج، زارۆك، ئافرەت و زەلام، هەموو پێكڤە هاتنە گوللەبارانكرن».
گۆتژی: «د كارەساتا گوندێ صۆریا دا 39 كەس شەهیدبوون و 27 كەس ژی ب برینداری رزگاربوون».
