ئەوا فدراسیۆنا فوتبۆلا دهۆكێ كری یا كوردستانێ نەشیا بكەت
نەهلا ئەحمەد
پشتی بورینا 10 سالان ژ هەلبژارتنان و هاتنا ستاڤەكێ نوو یێ فدراسیۆنا فوتبۆلا پارێزگەها دهۆكێ رۆژ بۆ رۆژ چالاكیێن جوان و سەركەفتی دهێنە ئەنجامدان ژ وان چالاكیان كۆمبووون دگەل راهێنەرێن ڕاهێنەران، دیسان ڕێڤەبەرێن ئەكادیمیێن یانەیا ب مەرەما هندێ بۆ كارێن باشتر و جوانتر پێخەمەت داهاتی بهێنە ئەنجامدان، هەروەسا ڤەكرنا قارەمانییا فوتسالێ لسەر ئاستێ كچان ئێك ژ كارێن گرنگە كۆ جارا ئێكییە ل سەر ئاستێ پارێزگەهێ دهێتە ڤەكرن و ب پشكدارییا هەشت یانەیان كو ب راستی قارەمانییەكا جودا و سەركەفتی بوو ژ بەركو هندەك یانە جارا ئێكێیە پشكداربن ژ وانا شێلادزێ ئەوێن ئاستەكێ زور باش پێشكێشكری و گولپارێزا وان بوو باشترینا قارەمانیێ ئانكو دشێن بێژین ئەڤ قارەمانییە بۆ دەرگەهەك كچێن شێلادزێ بهێنە دناڤ گورەپانێن یارییان دا و هەڤڕكیێ بكەن دگەل هەر یانەیەكا هەبیت، ئەڤەژی ب سایا سەرێ فدراسیۆنا فوتبۆلا پارێزگەها دهۆكێ یە، ژ بەركۆ ئەوان هزر كر كو كچێن ل بن ژیێ 18 سالی پشكداربن و بڕێیا ڤێ قارەمانیێ هەلبژارتیێ پارێزگەهێ ژی دروست بكەن كو ئەڤەژی هزرەكا زور باشە، لێ بمخابنی ڤە هیچ جهەك بەرهەڤ نەبوو بۆ قارەمانیا ناڤهاتی ببیتە سپونسەر لێ خۆش بەختانە ئەو كەسێ هەمی دەما پشتەڤانییا وەرزشڤانان و وەرزشێ دكەت بۆ ئەگەرێ هندێ ئەڤ قارەمانیە ب باشترین شێوە برێڤە بچیت ئەوژی د. عەلی تەتەر پارێزگەرێ دهوكێ كۆ ب چاڤدێرییا وی قارەمانی هاتە ئەنجامدان و یانەیا ئافرەتێن دهۆكێ بۆ قارەمانا خولێ و كچێن یانەیا زاخۆ یێن دویێ هاتن و شێلادزێ یا سێیێ هات، بۆ هندێ ئەڤ جورە قارەمانییە بەردەوام بن دڤێت وەبەرهێنەر و كومپانی ببنە سپونسەر و خوە ل ڤان جورە قارەمانیان بكەنە خودان دگەل فدراسیۆنا فوتبۆلا دهۆكێ هەڤكاربن دا كو وەرزشا باژێرێ خوە بەر ب گوپیتكێ ببەین.
