پەیامنێر بڕبڕا سەرەكیا كەنال و سنۆرێ خوە یە
عەیشا عەجیب:
مێهڤان مەجید، رێڤەبەرێ نڤیسینگەها كەنالێ كوردستان (24) ل زاخۆ، د دیدارەكێ دا بۆ رۆژنامەیا ئەڤرۆ گۆت: ئەڤە پتری دەه سالانە ئەز كارێ پەیامنێریێ دكەم و ل دەستپێكێ من ژ رۆژنامە و مالپەران دەستپێكر و پشتی بۆرینا دەمەكێ درێژ گەهشتمە كەنالێ عەسمانی.
هەروەسا گۆت: هەردەم من گۆتیە و نوكە ژی دێ بێژم ( پەیامنێر بڕبڕا سەرەكیا كەنال و سنۆرێ خوە یە) چنكو پشتبەستنا كەنالی ل سەر پێزانینێن وی یە، ژبەر هندێ رۆلەكێ گەلەك گرنگ و كاریگەر د دروستكرنا رایا گشتی و گوهۆڕینا بڕیاران دا هەیە، لێ مخابن چو جاران مایك هەلگر ژمەیدانا كارێ راگەهاندنێ ب دووماهی ناهێن و ب دەهان كەس بۆ مەرەمێن كەسوكی و پڕكرنا بەریكێن خوە بووینە دەهۆل قۆتێن هژمارەكا كەسان و ئەڤە ژی نە ژ رەوشت و كارێ رۆژنامەڤان و پەیامنێرانە و پێدڤیە پەیامنێرێ راستگۆ وێ چەندێ نەكەت، هەروەسا هندەك جاران د دەمێ كاری دا ئاستەنگ پەیدادبن، لێ هەموو خۆشی و نەخۆشیێن وێ بۆ من دخۆشن، لەورا چو جاران نەشێم ژكاری دووربكەڤم.
