ڕاستە بێی مایتێكرنا سیاسی وەرزش ناهێتە بڕێڤەبرن؟
حاجی دۆسكی
وەرزش و سیاسەت دو بیاڤێن گەلەك ژێكجودانە، پترییا وەرزشڤانان حەزناكەن كەسانێن سیاسی مایتێكرنێ د وەرزشێ دا بكەن، لی ئەگەر ئەم لاپەریێن مێژوویی ڤەكەین نێزیكییەكا هەی ل پشت پەردێن ڤەشارتی دەست تێوەردانێ دكەن كەسانێن سیاسی شیان هەنە وەرزشێ باشتر لێ بكەن یان بەروڤاژی، نەبتنێ ل روژهەلاتا ناڤەراست بەلكو وەلاتێ خودانن پێشكەفتی ل سەرانسەری جیهانێ مایتێكرنا هەی، ئەگەر كەسەك دیاركەت و بێژیت وەرزش تنێ بێ مایتیكرن دێ پێشكەفتیتر بیت دبیت ئەف چەندە بۆ رێڤەبرنا تیمەكا مللێ ل گەرەكەكێ دێ یا نورمال بیت، لێ برێڤەبرنا وەرزش ل وەلاتەكی خودان دستور، پەرلمان و حكومەت ئەف رێڤەبرنە دێ ل بن دەستێ كەسانێن سیاسیی بیت ژبەر ئەو دەولەت یا كوژمنێن مەزن یێن پارەیێ مەزێخن ل دووف هندەك یاسایا هەروسا ئەو چالاكیێن وەرزشی یێن ل هەر وەلاتەكی دهێنە بڕێڤەبرن چاڤدیرییا دەولەتێ نموونە هەر یارییەكا هێزین ئەمنی ئامادە نەبن روودان دروست بن، ئەڤ هێزە سەر حكومەتێ ڤەنە، گەلەك وەلات وەرزش بكارئینایە بۆ باشتكرنا پەیوەندین خۆ دگەل وەلاتەكێ دی، وەرزش نوكە رێكەكا سەركەفتی بۆ گەلەك وەلاتا بشین كلتورێ خۆ دیاربكەن بۆ خەلكەكی ب رێكا مێڤاندارییا هندەك قارەمانیا، لێ ئەگەر مایتێكرنا سیاسی ژ سنورین خۆ دەربازبوو ئەڤ چەندە دێ ب خرابی زڤریت، كەسانێن سیاسی ئەگەر حەز هەبیت وەرزشەكا نموونە پەیدابیت دڤێت مایتَێكرنێ ل رێڤەبرنێ و دەستنیشانكرنا كارگیریێن یانەیا نەكەن تنێ پشتەڤانییا دارایی لێ بكەن شێوەیەكی لدووڤ پلانەكێ، لڤی سەردەمی گەلەك یا بزحمەت وەرزش و سیاسەت ببینە ژیكجوداكرن تایبەت ل وەلاتەكێ وەكو ئیراقێ كو ئەم ژی پشكەكین، وەكو دهێتە گوتن دەستنیشانكرنا ڕاهێنەرا ژی ئێدی بوویە سیاسی دامەزراندنا یانەیا بناڤێن لایەنێن سیاسی و تائیفی ئەڤی كاری وەرزش ل ئیراقێ گەلەك باشڤە بر تایبەت ژلایەنی كارگێریی و هونەری ڤە، تاكە ڕێك وەرزش بهێتە قورتالكرن ژ سیاسەتێ تا رادەكی ئەوژی هەبوونا فیدراسیۆنەكا وەرزشی یا بهێز بشیت پشبەستنی ل سەر خۆ بكەت، لایەنی دارایی ڤە نوكە ڕێكێن پەیداكرنا دارایی زورن لێ ئەگەر كەسانێن دەستپاك و ئەكادیمیی بڕێڤەبەن نە پشتگیرییا لایەنی سیاسی بهێنە دەستنیشانكرن.
