ژ ئەنجامێ هشكەسالیێ 70%ێ باغێن جۆتیاران ل شنگالێ هشكبووینە
دهۆك، لەزگین جوقی
شەرەف نایف، رێڤەبەرێ چاندنێ ل شنگالێ راگەهاند، ئەو بیرێن ئاڤێ یێن كۆ 150 مەتران هاتینە كولان نوكە هشك بووینە و ئاڤا ژێر زەڤی ل شنگالێ گەلەك كێم بوویە، هەتا 200 مەتران ژی هندەك دەڤەران ئاڤ دەرناكەڤیت و گۆت: ژبەر هشكبوونا بیرێن ئاڤێ زیانەكا مەزن گەهشتیە جۆتیاران و نەشێن چاندنێ بكەن و چ هەڤكاری و پشتەڤانیا جۆتیارێن دەڤەرا شنگالێ نینە.
رێڤەبەری چاندنێ ل شنگالێ گۆت: بەغدا هاریكاریا جۆتیارێن شنگالێ ناكەت و ڕێكخراو ژی نینن، هەڤكاری و پشتەڤانیا جۆتیارێن شنگالێ بكەن هەكە ساڵا بهێت وەسا بیت چاندنێ ل شنگالێ نامینت كو جۆتیار گەلەك زەرەرمەند بووینە جۆتیار نەشێن ب تانكەران ئاڤێ بكرن بۆ كارێن چاندنێ گەلەك ب زەحمەت.
