ئەڤرۆ (ڕۆژا جیهانی یا مۆزیكێ) ل دهۆك و زاخۆ دێ هێتە ساخكرن
هەرهین محەمەد، دلۆڤان هالۆ:
رێڤەبەریا گشتی یا رەوشەنبیری و هونەری ل دهۆكێ/ رێڤەبەریا هونەرێ مۆزیكێ، ب هەلكەفتا رۆژا جیهانیا مۆزیكێ ل بەرە ئەڤرۆ رۆژا چارشەمبی رێكەفتی 1-10-2025 ئاهەنگەكێ ب ستران و مۆزیك ل هولا ئوتێلا ژیان سازبكەت و ب پشكداریا سترانبێژ ئاشڤان فەرەج و هلدان محەمەد عەلی و ل گەل مۆزیكژەن ژێگر سەمیر و بلند مەهدی و هەڤال مەجید و رێكار وەسفی.
حەسەن عارف رێكخەرێ چالاكییان ل رێڤەبەریا گشتی یا رەوشەنبیری و هونەری ل دهۆكێ بۆ ئەڤرۆ گۆت: رۆژا جیهانیا مۆزیكێ هەلكەفتەكا گەلەك گرنگە ل سەر ئاستێ جیهانێ و هەموو وەلات ئەڤێ رۆژێ ب گێڕانا ئاهەنگ و ستران و مۆزیكێ ئەڤێ رۆژێ ساخدكەن و ئەڤ سالە ژی مە فەردیت ئاهەنگەكێ ب ستران و موزیكێ ب گێرین، چونكو رۆژا جیهانیا مۆزیكێ وەكو جەژنەكێ یە بۆ مۆزیكژەنان و هونەرمەندان.
هەروەسا (دلخاز موسا) رێڤەبەرێ رەوشەنبیری و هونەری ل زاخۆ دیاركر كو ئەو ژی ئەڤ شەڤە ل دەمژمێر هەشت دێ ئاهەنگەكا هونەری ب پشكداریا چەند هونەرمەندان ل كۆرنیشێ پرا دەلال گێڕن و تیپا رۆژ یا ستران و مۆزیكێ ل گەل وان پشكدارە.
