فازل میرانی: خالد شلی پێشمەرگەیەكێ قەهرەمان و كەسایەتییەكێ ب قەدر و وەلاتپارێز بوو
فازل میرانی، بەرپرسێ دەستەیا كارگێڕیا مەكتەبا سیاسی یا پارتی دیموكراتی كوردستان ب هەلكەفتا مالئاڤاییا خالد شلی، پێشمەرگەیێ هەردو شۆڕەشێن ئیلۆن و گولانێ، پەیامەكا بەهیداریێ بەلاڤكر و تێدا هاتیە: ب خەم و كۆڤانڤە، مە خەبەرێ مالئاڤاهییا فەرماندە و پێشمەرگە و تێكۆشەرێ بەرنیاس ل هەردو شۆڕەشێن ئیلۆن و گولانێ و هەلگرێ مەدالیا بارزانیێ نەمر (خالد شلی) بهیست.
د پەیاما بەهیداریێ یا بەرپرسێ دەستەیا كارگێڕیا مەكتەبا سیاسی یا پارتی دا هاتیە: «خودێ لێخۆشبوویی پێشمەرگەیەكێ قەهرەمان و كەسایەتییەكێ ب قەدر و وەلاتپارێزێ دەڤەرا بەهدینان و كوردستانێ بوو، سەرەخۆشیێ ل مالباتا خودێ ژێ رازی و هەمی هەڤال و پێشمەرگەهان دكەین، خودایێ مەزن گیانێ وی ب بەهەشتێ شاد بكەت و سەبر و هەدارێ ب مە و كەسوكار و هەڤالێن وی بدەت».
