مەسرور بارزانی: خالد شلی كەساتییەكێ قەدرگران و وەلاتپارێزێ‌ دەڤەرا بەهدینان و كوردستانێ بوو

مەسرور بارزانی، سەرۆكێ حوكمەتا هەرێما كوردستانێ دوهی سێشەمبی، 30/9/ 2025، د پەیامەكا سەرەخوەشیێ دا راگەهاند: «ب خەمەكا مەزنڤە، دەنگوباسێ مالئاڤاهییا فەرماندە، پێشمەرگە و خەباتكەرێ بەرنیاس یێ هەردو شۆڕشێن ئیلۆن و گولانێ و هەلگرێ مەدالییا بارزانیێ نەمر (خالد شلی) گەهشتە مە».
د پەیاما بەهیداریێ‌ یا مەسرور بارزانی دا هاتیە: «رەحمەتی، پێشمەرگەیەكێ قەهرەمان و كەسایەتییەكێ قەدرگران و وەلاتپارێزێ دەڤەرا بەهدینان و كوردستانێ بوو، بەهی و سەرەخۆشییا خۆ ئاراستەی بنەمالا رەحمەتی و خەلكێ بەهدینان و كوردستانێ ب گشتی دكەین، ژ خودایێ مەزن دخوازین گیانێ وی ب بەهەشتێ شاد بكەت و هەدارێ و ئارامیێ ب مە و كەسوكار و هەڤالێن وی ببەخشیت».

کۆمێنتا تە