لژنەیا پیشەسازی و وەبەرهێنانـێ 20 داخوازیێن سەرمایەدار و كۆمپانیان پەسەندكرن
ب سەرپەرشتیا پارێزگارێ دهۆكێ كۆمبوونا لیژنەیا پیشەسازی و وەبەرهێنانی هاتە ئەنجامدان و 20 داخوازیێن سەرمایدار و خودانێن پڕۆژە و كۆمپانیان هاتنە پەسەندكرن.
د. عەلی تەتەر، پارێزگارێ دهۆكێ دوهی 1/10/2025 سەرپەرشتیا كۆمبوونا ئاسایی یا لیژنەیا پیشەسازی و وەبەرهێنانێ كر و د كۆمبوونێ دا بەحسێ رەوشا كەرتێ پیشەسازی و وەبەرهێنانێ و دووڤچوونا داخوازیێن بازرگان و وەبەرهێنەران ل سنۆرێ پارێزگەهێ د كەرتێن جودا دا هاتە كرن.
پشتی گەنگەشێن تێر و تەسەل ل سەر هەر داخوازیەكێ هاتینە كرن، 20 داخوازی هاتنە پەسەندكرن، هەروەسا لیژنەكا بسپۆر هاتە پێكئینان، كو ب هووری دووڤچوونا وان پڕۆژەیان و داخوازیان بكەت یێن بەری نوكە ژ لایێ لیژنێ ڤە هاتینە پەسەندكرن، كا ل دووڤ یاسا و رێنما و پیڤەرێن گشتی هاتینە دامەزراندن یان نە.
پارێزگارێ دهۆكێ دوپاتكر كو هەر داخوازیەكا هاتیە پەسەندكرن، دڤێت ل دووڤ رێنما و یاسایێن حكومەتا هەرێما كوردستانێ بهێتە دروستكرن و بەرژەوەندیا گشتی ل بەرچاڤ بهێتە وەرگرتن و كارتێكرنێ ل سەر ژینگەهێ نەكەت و دەلیڤەیێن كاری بۆ خوەجهێن دەڤەرێ پەیدا بكەت و پشتەڤانیا كارگێریا پارێزگەهێ بۆ چێكرنا هەر پڕۆژەكێ وەبەرهێنانێ دیار كر.
ئەو پڕۆژەیێن هاتینە پەسەندكرن، كەرتێن جودا ب خۆڤە دگرن، مینا: (كارگـەهـێن ئاهێن خوارنێ، بیناسازی، پیشەسازی، ئاڤەدانكرن و چاندن و هـتد) بوون.
