فرەنسا داخوازەکێ ژ هەسەدێ و شامێ دکەت
بەرپرسا پەیوەندیێن دەرڤە یا رێڤەبەریا خوەسەر دیار کر، وەزارەتا دەرڤە یا فرەنسا داخواز ژ هەسەدێ و شامێ کریە کو ل وەلاتەکێ دی دەست ب دانوستاندنان بکەن و پرسێن هەی د ناڤبەرا خوە دا چارەسەر بکەن، فرەنسا دیار کریە ئەو بەرهەڤە ل هەر وەلاتەکێ شام و هەسەدێ پێ رازی بن ئەو ژی پشتەڤان بیت دا دانوستاندن دەستپێ بکەن.
ئیلهام ئەحمەد ئەو یەک ژی دیار کریە، هەسەدێ بەری نها ژی بەرهەڤیا خوە بۆ دانوستاندنان دیار کریە، لێ شامێ ئاستەنگی دروست کرن و نها ژی هەکە شام چو ئاستەنگان دروست نەکەت دێ دانوستاندن هێنە کرن، گرنگە شام ژی راستیا هەی قەبوول بکەت، چونکی چارەسەرکرنا پرسێن هەی د بەرژەوەندیا هەموو سووریێ دایە.
