خەونا وێ یە پرۆژەیێ خوە مەزن بكەت
شاهۆ فەرید:
رۆیا، ژنەكا خەلكا ئیدارەیا سەربەخۆیا زاخۆ یە، بۆ ماوەیێ چەندین سالانە كارێ بەرهەڤكرنا دەستكێن گۆلا و دیاریان دكەتن، د دیدارەكێ دا بۆ رۆژنامەیا ئەڤرۆ گۆت: ل دەستپێكێ من ئۆنلاین ئەڤ كارە دەستپێكر دناڤا سۆشیال مەدیایێ ئێنستگرامی و سناپ چاتی، پشتی كارێ من بەرفرەه بووی، ئەڤە ماوەیێ چەند هەیڤانە من بۆ خوە جهەكێ نوو ڤەكریە، باب و هەڤژینێ من گەلەك پالپشتیێ كارێ من دكەن، هەڤژینێ من هاریكاریا من دكەت د ناڤ كاری دا، خەلكەكێ زۆر قەستا مە دكەتن بۆ كڕینا دیاریان تایبەت گەنجن، هەروەسا نوكە خەلكێ مە بۆ سەرەدانا و مێهڤانداریان دەستكێن گۆلان بكاردئینن ئەڤە ژی جوانیەكە ناڤا كومەلگەهێ مە پەیدابووی.
هەروەسا گۆت ژی: بۆ من پیچەكێ یێ ب زەحمەت بوو بۆ ئەڤ كارە چۆنكو مرۆڤ یێ دجڤاكەكی دا دژیت رێگریێ ل كارێ ئافرەتێ دكەن دا، ئەز ئێكەم ئافرەتم باژێریێ زاخۆ ئەڤی كاری ئەنجام ددەم و سەربلندم، بكڕێن من یێن كچ پتر د ئارامن دەمێ سەرەدەریێ ل گەل من دكەن، پاشەروژێ من ل بەرە ئەڤی پرۆژەی مەزنتر لێبكەم و تێدا دەلیڤەیێن كاری بۆ كچ و كوڕان پەیدا بكەم،.
