ده‌لۆش
محسن عەبدولرەحمان
(1)
زه‌ندیقی
ده‌مێ كولـمێن برایێن دۆژمن ب جۆت ڤێدكه‌فتن، تنێ هاواركره ئاسمانی.
(2)
گاوری
به‌ری جلكێن سه‌ربازیێ بهاڤێژیت، ل شه‌واتا ئه‌نفالێ سنگه‌پێبوو:(ئاگرووو… هینكاتی و ئاشتیبه) و ته‌ماشه‌كره ئاسمانی .
(3)
یاخیبووی
بۆ سه‌رهلدایان داخوازا سه‌ركه‌فتنێ خواست و ده‌ستێن خۆ بلنكرنه ئاسمانی.
(4)
پێنگاڤ
خه‌مێن خۆ هه‌لگرتن و برینێن خه‌لكی ب رێكێڤه دئالیستن و هه‌ر د پڕسی: ما بۆ چه‌لێ چه‌ند مایه و هێڤدكره ئاسمانی؟
(5)
ده‌لوش
جۆتیاری ل ده‌نگێ تۆببارانكرنێ… نه‌ڤی هه‌لگرت و ژن و زارۆك دانه پێش خۆ، بارانا بۆش رۆندكێن سویر ل گه‌ل خۆ رامالین، هاواره‌كا بێده‌نگ د گه‌وریێ را جه‌هداسی یه به‌رێ خۆ دا ئاسمانی: خۆدێووو تا كه‌نگی!؟ ئه‌مینێ كه‌چه‌ل.. لێزڤڕی: (ره‌شو ب لنگێن خۆ هه‌كه خیزێ عه‌رعه‌ر داعویرای)! ژ هینگێ وه‌ره زانی هۆسا ژیان برێڤه‌ناچیت، ئینا ل شوینا لاڤه‌یان و ته‌ماشه‌كرنا ئاسمانی، ل پێش نێڕی و ب مكوڕی پێنگاڤ موكوكم و چه‌سپای هاڤێتن.
