ئـۆکـرانـیا: رۆسـیا دێ شـەڕی بـەرفـرەهتر کـەت
سەرۆکێ ئۆکرانیایێ دیار کر، ئارمانجا رۆسیا راگرتنا شەڕی نینە، د چەند رۆژێن بۆری دا رۆسیا دەست ب ئێرشێن گەلەک دژوار ل دژی ئۆکرانیایێ کریە و رۆسیا ژ بلی درۆنان موشەکێن گەلەک پێشکەفتی ژی ل دژی ئۆکرانیایێ بکار ئینایە، ئەو یەک ژی نیشا ددەت پوتینی دڤێت پشکەکا مەزن ژ ئاخا ئۆکرانیایێ داگیر بکەت.
زیلێنسکی ئەو یەک ژی دیار کر، هەکە پوتین بشێت د دەمەکێ نێزیک دا دربێن گران ل ئۆکرانیایێ بدەت دێ ئێرشی هندەک وەلاتێن دی یێن ئۆرۆپی ژی کەت، چونکی ئارمانجا رۆسیا تنێ ئۆکرانیا نینە، ژ بەر هندێ ژی د چەند رۆژێن بۆری دا پوتینی دیار کربوو مەترسیا هەری مەزن یا ل سەر رۆسیا ناتۆ یە و رۆسیا کار بۆ لاوازکرنا ناتۆیێ دکەت.
