دەمیرتـاش دێ هێتە ئـازاد کـرن
بەرپرسەکێ ئاکپارتیێ کو نەخواستیە ناڤێ وی بهێتە ئاشکرا کرن بۆ کەنالێ ئۆدا تی ڤی یێ تورکیا دیار کریە، هەتا نها سێ جاران دادگەها بلند یا مافێن مرۆڤی یا ئۆرۆپا داخوازا ئازادکرنا دەمیرتاشی کریە، بەری چەند رۆژان بۆ جارا سیێ دادگەها بلند یا مافێن مرۆڤی دیار کریە بریارا گرتنا دەمیرتاشی قانوونی نینە و دڤێت بهێتە ئازاد کرن و دەولەتا تورکیا ڤێجارێ ل دژی بریارا دادگەهێ چو نەکریە و ئەو یەک ژی نیشا ددەت دێ دەمیرتاش هێتە ئازاد کرن.
هەمان بەرپرسی ئەو یەک ژی دیار کریە، وەکو پشتەڤانیەک بۆ قووناغا ئاشتیێ دەولەتا تورکیا دڤێت دەمیرتاش بهێتە ئازاد کرن، چونکی دەمیرتاش هەتا نها ب رەنگەکێ باش پشتەڤانی ل قووناغا ئاشتیێ کریە و ئازادیا وی دێ بیتە ئەگەرێ دلخوەشیا کوردان.
