كۆڕنیشێ بەنداڤا دهۆكێ دێ بزاڤا گەشتیاری گەلەك خـورت كەت
دهۆك، لەزگین جۆقی:
هاریكارێ رێڤەبەرێ گشتیێ رێك و پران ل پارێزگەها دهوكێ راگەهاند، بەنداڤا دهۆكێ ئێكە ژ وان جهێن گرنگ، كو خزمەت تێدا بهێتە كرن، داكو رێژەكا مەزن یا گەشتیاران قەستا بەنداڤا دهۆكێ بكەن، لەو هزر د چێكرنا كۆڕنیشێ بەنداڤا دهۆكێ دا هاتە كرن.
رێدیر سلێمان، هاریكارێ رێڤەبەرێ گشتی یێ رێك و پران ل پارێزگەها دهۆكێ بۆ ئەڤرۆ گۆت: «ل سالا 2023ێ ل سەر راسپاردێن پارێزگارێ دهۆكێ لژنەكا تەكنیكی هاتبوو چێكرن و نەخشە و ڤەدیتن و دیزاینێ كۆڕنیشێ بەنداڤا دهۆكێ دروستكرن، كو پرۆسەیا دیزاینێ تمامبوویە د گەل دا ڤەدیتن هاتنە كرن، كۆڕنیش دو پارچەیا ب خۆڤە دگریت و پرەك بۆ پێكڤە گرێدانا هەردو پارچەیێن كۆڕنیشی دێ هێتە چێكرن، ئەڤە ژی تەمامبوویە و ڤەدیتن و نەخشە و دیزاین هەمی بۆ پارێزگارێ دهۆكێ هاتنە هنارتن و د دووڤ دا بۆ جڤاتا وەزیران هاتیە بلندكرن».
گۆتژی: «ل دووڤ پێزانینێن مە رازیبوونا دەستپێكی بۆ كۆڕنیشێ بەنداڤا دهۆكێ هاتیە كرن».
