زەحمەترین كار د راگەهاندنێ دا پەیامنێری یە
دلۆڤان هالۆ:
ئەمیر عەلی، پەیامنێرێ كەنالێ دهۆك تیڤی، ل ئیدارەیا سەربەخۆیا زاخۆ، د دیدارەكێ دا بۆ رۆژنامەیا ئەڤرۆ گۆت: وێستگەها من یا راگەهاندنێ ب پشتەڤانیا ماموستا (زیرەك سەدیق) بوو، من بەرنامەیەكێ گۆتنێن مەزنان ل رادیۆیا (ژین) پێشكێش دكر، پشتی دەمەكی بوومە پەیامنێر ل كەنالێ (چارچرا) پاشان چوومە كەنالێ زاخۆ تیڤی وەكو پەیامنێر و پێشكێشكار، پاشان بوومە بەرپرسێ راگەهاندنا ساخلەمیا زاخۆ و ئەڤە سالەكە ژی پەیامنێرێ كەنالێ دایك (دهۆك تیڤی) مە ل ئیدارەیا سەربەخۆیا زاخۆ.
هەروەسا گۆت: هەر مەدیاكارەك دڤێت دڤێت ژ رادیۆیێ یان رۆژنامەیەكی دەست پێ بكەت و پێنگاڤ پێنگاڤ بەرەف پێشڤە بچیت هەتا دگەهیتە كەنالەكێ ئەسمانی و زەحمەترین كار د راگەهاندنێ دا پەیامنێری یە و هەكە بشێت پەیامنێریێ بكەت دێ شێت گەلەك كارێن دی هەر دبوارێ راگەهاندنێ دا كەت، بۆ زانین دو كەنالێن ئەسمانی داخواز ژمن كرینە كو ل گەل وان كاربكەم، لێ من رەتكرینە، چنكو من ڤیایە ژ كەنالەكێ ناڤخۆی دەست پێ بكەم پاشی بچمە كەنالەكێ ئەسمانی.
