رادیۆ مالا من یا دویێ یە
عەیشا عەجیب:
ئەمیرا ئەنوەر، رێڤەبەرا رادیۆیا (پێشكەفتن) كو ل پارێزگەها هەولێرێ یە، د دیدارەكێ دا بۆ رۆژنامەیا ئەڤرۆ گۆت: ل سالا (2004) من ل رادیۆیا پێشكەفتن كو سەر ب (ئێكەتیا لاوێن دیمۆكراتا كوردستانێ بوو، دەست ب كارێ راگەهاندنێ كریە و سالا (2019) بوومە رێڤەرا وێ رادیۆیێ و ژبەر حەزا من بۆ ڤێ رادیۆیێ هەتا نوكە من نەڤیایە ل چو جهێن دی كاربكەم.
هەروەسا گۆت: نێزیكی سێ سالان من بەرنامەیێ (20 خۆلەك ل گەل ئەمیرایێ) پێشكێش دكر، بەرنامەیەكێ سیاسی بوو، مە كەسێن سیاسی مێهڤان دكرن و بابەت ل سەر رەوشا سیاسی ب تایبەت ل هەرێما كوردستانێ بوو، لێ ئەڤە دو هەیڤن ئەو بەرنامەیێ راوەستیای، بۆ زانین حەزا من بۆ كارێ راگەهاندنێ گەلەكە، لەورا چو جاران نەشێم ژێ دووركەڤم و هندی دشیانێن من دا بیت دێ خزمەتا گەنج و لاو و قوتابیان كەم و هەردەم ئەز دبێژم هەكە مرۆڤی حەز بۆ كارەكی هەبیت و بزاڤێ بۆ بكەت دێ ب سەركەڤیت.
