ترامپ: من دووماهی دەلیڤە دایە حەماسێ
دۆنالد ترامپێ سەرۆکێ ئەمریکا دیار کر، پلانا وی یا بۆ ئاشتیێ ل غەزە د بەرژەوەندیا هەموو ئالیان دایە و ژ بەر ڤێ یەکێ ژی هەموو وەلاتێن جیهانێ ب تایبەتی ژی وەلاتێن عەرەبی پشتەڤانیێ ل پلانا وی کرینە و ئسرائیل ژی رازیە شەڕێ ل غەزە ئێدی نەمینیت.
سەرۆکێ ئەمریکا دیار کر دڤێت حەماس بێی مەرج و د زووترین دەم دا هەموو گرتیێن ئسرائیلێ ئازاد بکەت، من دووماهی دەلیڤە دایە حەماسێ و هەکە حەماس ئالۆزیان دروست بکەت دێ ڤێجارێ تشتێن گەلەک خراب روو دەن، ژ بەر ڤێ یەکێ ژی دڤێت حەماس هەر زوو هەموو گرتیان ئازاد بکەت دا چو ئاستەنگی ل هەمبەر پلانا وی بۆ ئاشتیێ ل غەزە دروست نەبن.
