ئیران دێ فرۆکەیێن شەڕی ژ رۆسیا کڕیت
بەرپرسەکێ وەزارەتا دەرڤە یا ئەمریکا دیار کریە، پشتی شەڕی ١٢ رۆژان یێ د ناڤبەرا ئیرانێ و ئسرائیلێ دا بەرپرسێن ئیرانێ بریار داینە فرۆکەیێن پێشکەفتی یێن شەڕی ب ناڤێ سو ٣٥ ژ رۆسیا بکڕن و ئیرانێ بەرهەڤیا خوە دیار کریە هەتا سالا ٢٠٢٨ نێزیکی ٧٠٠ ملیۆن دۆلاران پارە ژی بدەتە رۆسیا، لێ هەتا نها ب فەرمی رۆسیا بەرسڤا ئیرانێ نەدایە.
هەمان بەرپرسێ ئەمریکا ئەو یەک ژی دیار کریە، بەری چەند رۆژان بنیامین نەتانیاهۆ ب رێیا تەلەفۆنێ ل گەل پوتینی ئاخڤیە و داخواز ژ پوتینی کریە فرۆکەیێن شەڕی نەدەتە ئیرانێ، چونکی ئەو یەک دێ کاریگەریا خوە یا خراب بۆ رۆسیا و دەڤەرێ ب گشتی هەبیت، چونکی ئیرانێ دڤێت رەوشا دەڤەرێ ئالۆز بکەت و دڤێت رۆسیا نەبیتە پشکەک ژ ئالۆزیێن نها ل رۆژهەلاتا ناڤین و ئسرائیلێ نەڤێت پەیوەندیێن خوە ل گەل رۆسیا تێک بدەت.
