ڕۆژا جیهانی یا ساخلەمیا دەروونی ل زاخۆ هاتە ساخكرن
زاخۆ، دلۆڤان هالۆ:
دكتۆر نەوفەل ڕەشید، ڕاگرێ كۆلیژا نۆشداری ل زانكۆیا زاخۆ بۆ ڕۆژناما ئەڤرۆ دیاركر كو دوهی 12/10/2025 ل هۆلا كۆنفرانسان ل ئاڤاهیێ كۆلیژا كارگێری و ئابووری، كۆلیژا پەروەردە پشكا دەروونناسی ب هەڤكاری ل گەل كۆلیژا نۆشداری ل ژێر درووشمێ پێنگاڤەك بەرەڤ ساخلەمیەكا باشتر، ڕۆژا جیهانی یا ساخلەمیا دەروونی هاتە ساخكرن.
ڕاگرێ كۆلیژا نۆشداری ل زانكۆیا زاخۆ، ئاماژە ب وێ چەندێ ژی كر كو هەر ب ڤێ هەلكەفتێ چەندین چالاكیێن جودا هاتنە ئەنجامدان، وەكو نیشادانا كورتە فلمان، كو ژ لایێ قوتابیان ڤە هاتبوونە دروستكرن، دیسا پێشكێشكرنا چەندین سمیناران ژ لایێ دكتۆرێن دەروونی ڤە و گۆت: «ل كۆڕنیشێ زاخۆ ژی شانووگەریەك ل دوور بابەتەكێ دەروونی ژ لایێ قوتابیان ڤە هاتە پێشكێشكرن».
