ئەحمەد تورک: رۆژئاڤایێ کوردستانێ هێلا سۆرە
ب، سه‌رجان:
ئەحمەد تورک هەڤسەرۆکێ بەرێ یێ باژێرڤانیا مێردینێ و سیاسەتمەدارێ ناڤدار یێ کورد د داخویانیەکێ دا دیار کر، دڤێت تورکیا سیاسەتا خوە ل هەمبەر رۆژئاڤایێ کوردستانێ بگوهۆڕیت، نابیت تورکیا دوژمناتیا کوردان ل سووریێ بکەت، ب جهێ کو هندەک گرۆپێن توندرەو ل سووریێ ببنە جیرانێن تورکیا باشترە کورد جیرانێ تورکیا بن.
ناڤهاتی ئەو یەک ژی دیار کر، هەکە سیاسەتا نها یا تورکیا ل هەمبەر کوردێن رۆژئاڤایێ کوردستانێ بەردەوام بیت ئەو یەک دێ کاریگەریا خوە یا گەلەک خراب ل سەر قووناغا ئاشتیێ ل تورکیا ژی کەت، نابیت ل تورکیا بەحسێ چارەسەرکرنا پرسا کوردی بهێتە کرن و ل دژی مافێن رەوا یێن گەلێ کورد ل سووریێ بن، ژ بەر ڤێ یەکێ ژی کورد ل تورکیا داخواز ژ دەستهەلاتا ئاکپارتیێ دکەن دڤێت سیاسەتا خوە ل هەمبەر رۆژئاڤایێ کوردستانێ بگوهۆڕیت، چونکی ئەڤرۆکە رۆژئاڤایێ کوردستانێ بۆ هەموو کوردان هێلا سۆرە.
