ئیران: بەرهەڤین ل گەل ئەمریکا دانوستاندنان بکەین
عەباس ئیراقچی وەزیرێ دەرڤە یێ ئیرانێ دیار کر، پشتی هەر سێ وەلاتێن ئۆرۆپی سزایێن بەری نها ل سەر ئیرانێ ڤەگەراندن، ئیرانێ ژی بریار دایە پەیوەندیێن خوە یێن ل گەل ئاژانسا جیهانی یا ئەتۆمی بدەتە راگرتن، لێ د هەمان دەمی دا ئیران یا بەرهەڤە ل گەل ئەمریکا دەست ب دانوستاندنان بکەت، هەکە ئەمریکی رێزێ ل ئیرانێ بگرن و بخوازن پرسێن هەی ب رێیا دانوستاندنان بهێنە چارەسەرکرن، ئیران ژی یا بەرهەڤە ل گەل ئەمریکا دەست ب دانوستاندنان بکەت.
وەزیرێ دەرڤە یێ ئیرانێ ئەو یەک ژی دیار کر، ئسرائیلێ ب رێیا رۆسیا پەیامەک بۆ ئیرانێ هنارتیە و تێدا دیار کریە وان نەڤێت شەڕێ ئیرانێ بکەن، لێ باوەریا ئیرانێ ب ئسرائیلێ ناهێت.
