ئەڤ خوارنە کارتێکرنێ ل مەژیێ مرۆڤی دکەن
ھەموو کەس ل دووڤ وان خوارنان دگەرن یێن ھاریکار بۆ کێمکرنا سەنگێ دا لەشەکێ جوان و بەژنەکا زراڤ ھەبیت، بەلێ تو دزانی ھندەک خوارن یێن ھەین ئەم رۆژانە دخۆین و سستاھیێ دئێخنە مێشکی و ئاستەنگان ل بەر شانێن مێشکی چێدکەن و ناھێلن ئەرکێ خوە ب دروستی ئەنجام بدەن؟
ئەڤە ژی ھندەک ژ وان خوارنانە:
• خوارنێن بلەز: خورانێن بلەز کیمیایا مێشکی دگوھۆرن کو د ئەنجام دا خەمۆکیێ و نیشانێن نەئارامیێ پەیدا دکەن، ئەو روونێن د ناڤ ڤان خوارنان دا باندۆرێ ل ھورمۆنێ دوبامین دکەن ئەوێ بەرپرس ژ خۆشیێ.
• روونێن ڤەگۆھاستی: ئەڤ جۆرێ روونی یێ د ناڤ شرینیان و پسکەوێت و چپسان دا ھەی، ئەڤە ئاریشان د بیردانکێ دا پەیدا دکەن و دبنە ئەگەرێ ژبیرکرنا تشتان.
• روونێ چەور: ئەڤ جۆرێ روونی یێ د ناڤ زەیتێ و خورانێن قەلاندی دا ھەی و شانێن مێشکی ژ ناڤ دبەن.
• گۆشتێن کارخانێ: وەکو گۆشتێ ھوت دوگ و برگەر و لانشون، ئەوێن کارێ شانێن دەماران دراوەستینیت و باندۆرێ ل مێشکی دکەن.
• خوێ: دبیتە ئەگەرێ بلندبوونا فشارا خوینێ و ئاستەنگان دئێخیتە لڤینا لەشی و ھشا مرۆڤی کێم دکەت.
• ماسیا تونە: خورانا تونێ پتر ژ سێ جاران د حەفتیێ دا ئاریشان بۆ بیردانکێ چێدکەت.
• خوارنێن نیڤ کەلاندی: ئەڤ خورانە باندۆرێ ل کوئەندامێ دەماران دکەت و دبیتە ئەگەرێ نەخۆشیا ئەلزھایمەر.
