ل سنۆرێ ناوچەداریا كانی ماسێ نەفتا سپی هاتە بەلاڤكرن
زنار تۆڤی:
بەری هاتنا وەرزێ زڤستانێ حكومەتا هەرێما كوردستانێ پرۆسەیا بەلاڤكرنا نەفتا سپی ل دەڤەرێن چیایی دەستپێكر.
سالح حەمدی، رێڤەبەرێ ناوچەداریا كانی ماسێ بۆ ئەڤرۆ دیار كر، دوهی 14/10/2025 نەفتا سپی ل سەر ئاكنجیێن ناوچەداریا كانی ماسێ هاتە بەلاڤكرن و هەتا نوكە خەلكێ سەنتەرێ ناوچەداریێ و چەندین گوندێن دەوروبەرێن وێ نەفتا سپی وەرگرتیە و پرۆسە دێ یا بەردەوام بیت، هەتا هەموو خەلكێ دەڤەرێ بەهرا خۆ وەردگرن.
ناڤهاتی گۆت: «ناوچەداریا كانی ماسێ دەڤەرەكا چیایی یە، ل وەرزێ زڤستانێ سەقایێ وێ گەلەك یێ سارە، لەوما نەفتا سپی زوو ل سەر وەلاتیێن وێ هاتە بەلاڤكرن».
