كۆمسیۆنا هەلبژارتنان رێنوماییێن هەوا هەلبژارتنان بەلاڤكرن
ئوفیسا كۆمسیۆنا هەلبژارتنان ل پارێزگەها دهۆكێ وركشۆپەك ل دۆر رێنوماێن هەلبژارتنێن جفاتا نوونەرێن ئیراقێ ژبۆ رێكخراوێن جڤاكێ مەدەنی و راگەهاندنكاران و پارتێن سیاسی و بەربژاران ئەنجام دا.
خالد عەباس عومەر، بەرپرسێ ئوفیسا كۆمسیۆنا هەلبژارتنان ل پارێزگەها دهۆكێ بۆ رۆژناما ئەڤرۆ دیاركر، ژ بەرۆگرنگیا پرۆسێسا هەلبژارتنێن جڤاتا نوونەرێن ئیراقێ، وان ب فەر دیت وركشۆپەكێ ل پارێزگەها دهۆكێ ژبۆ رێكخراوێن جڤاكێ مەدەنی و راگەهاندنكاران و پارتێن سیاسی و بەربژاران ئەنجام بدەن، داكو ب شێوەكی دروست و ئاسان پشكداری ڤێ پرۆسێسا هەلبژرتنان ببن.
ناڤهاتی گۆت: «ئەم وەكو كۆمسیۆن، دەرگەهێ مە یێ ڤەكریە ژ بۆ هەر كارەكێ گرێدای پرۆسێسا هەلبژارتنان، ژ بۆ هندێ ئەم پتر بشێین خزمەتێ پێشكێشی وەلاتیان بكەین، ژبۆ سەرخستنا پروسێسا هەلبژارتنێن جڤاتا نوونەرێن ئیراقێ«.
