هەموو جاران پارتی یا ئێكێ بوویە و دێ هەر یا ئێكـێ مینیت
زاخۆ، دلۆڤان هالۆ:
گوهدار شێخۆ، سەرپەرشتێ ئیدارا سەربخوە یا زاخۆ د كۆنگرەیەكێ ڕۆژنامەڤانی دا دیاركر كو هەموو جاران پارتی یا ئێكێ بوویە و دێ هەر یا ئێكێ مینیت و دبێژیت: ئەم هەموو دەمان دبێژین: پارتی حزب نینە، بەلكو پارتی ڕێبازە، پارتی كوردستانە، پارتی بەرگریێ ژ مافێ گەلێ كوردستانێ دكەت، دێ لیستا 275 یا پارتی و هەموو بەربژارێن مە یێن كوردستانێ سەركەڤن.
سەرپەرشتێ ئیدارا سەربخوە یا زاخۆ گۆت: «ب تنێ مە ئێك داخوازی ژ خەلكێ خوە یێ سنۆرێ ئیدارا سەربخوە یا زاخۆ هەیە، هیڤیدارم دەستێ خوە داننە سەر وژدانا خوە و بچنە سەر سندۆقێن دەنگدانێ و دەنگێ خوە بدەن لیستا 275 یا پارتی دیموكراتی كوردستان».
گۆتژی: «ئیدارا سەربخوە یا زاخۆ د هەموو بیاڤان دا پێشكەفتنەكا باش بخوەڤە دیتیە و هێشتا پڕۆسەیا ئاڤاكرنا باژێڕی یا بەردەوامە، دیسا ل سەر خزمەتكرنێ دێ بەردەوام بین و كاروانێ ئاڤەدانیێ دێ گەهیتە هەموو جهان».
