جهەكـێ گەشتیاری ل خانكێ دێ هێتە چێكرن
دهۆك، دلۆڤان ئاكرەیی:
رێڤەبەرێ ناوچەداریا خانكێ دیاركر، ب مەرەما پێشڤەبرنا كەرتێ گەشتوگوزارێ ل دەڤەرێ، د پلانا ڕێڤەبەریا ناوچەداریا خانكێ دایە جهەكێ گەشتیاری دروست بكەت.
زەردەشت شێخ شامۆ، ڕێڤەبەرێ ناوچەداریا خانكێ بۆ رۆژنامەیا ئەڤرۆ گۆت: «وەكو پێنگاڤا ئێكێ ڕێیا ژ ناوچەداریا خانكێ دچیتە سەر ئاڤا ڕووبارێ دیجلەی هاتیە قێركرن و هاتنوچوونا گەشتیاران و خەلكی بۆ سەر ئاڤێ گەلەك خۆش و ب ساناهی بوویە، كو دەمێن خۆ لێ ببوورینن و گۆت: « د پلانا مە دایە جهەكێ گەشتیاری ل سەر ئاڤا دیجلەی ل خانكێ دروست بكەین، ئەگەر ل پاشەرۆژێ ئاڤ وەكو ئاستێ بەری نوكە ڤەگەڕیا ڤە، ژ بەركو نوكە ئاڤا بەنداڤا مووسلێ گەلەك كێمبوویە».
زەردەشت شێخ شامۆ ئاماژە ب وێ چەندێ ژی دا، دەڤەرێ پێدڤی ب جهەكێ گەشتیاری هەیە، كو ببینە ئەگەرێ پەیداكرنا دەلیڤەیێن كاری بۆ گەنجان، زێدەباری گەشتیار دێ سەرەدانێ كەن و سیمایەكێ جوان دەتە دەڤەرێ.
