هیڤیا وان ئەوە جهەكێ تایبەت هەبیت
هیلین سالم:
حەنان و ئیسرا دو ئافرەتێن دهۆكێ نە، كو دایك و كچن كارێ دروستكرنا خوارنێ دكەن، د دیدارەكێ دا بۆ رۆژنامەیا ئەڤرو گوتن: ئەڤە نێزیكی چار سالانە وەك پیشەكا تایبەت ل مالا خوە ئەم هەردو كارێ دروستكرنا خوارنێ دكەین بۆ داخوازی و هەلكەفتان و ب رێكا ئونلاین و تورێن جڤاكی كارێن خوە نیشاددەین و خەلك ژێ داخواز دكەن و پتر داخوازی ل سەر كوتلك و ئیپراخ و سەوكێن گژنیژان هەیە، ئیسرا كو كچا حەنانێ یە گۆتی: ئەز قوتابیا پولا ١٢ مە، لێ كارێ من كارتێكرن ل خواندنا من نەكریە و دشێم هەردویا پێكڤە بكەم چونكو گەلەك حەزژ كارێ خوە دكەم و تێدا رەهوان بوویمە.
كچ و دایكێ گۆتن: هیڤیا مە ئەوە مە جهەكێ تایبەت هەبیت بۆ كارێ خوە بشێین بەرفرهـ بكەین و دەلیڤەیا كاری بۆ هندەك خانمێن دی ژی دابین بكەین.
