سەرۆكێ حوكمەتێ دو پڕۆژەیێن ستراتیژی ل ئامێدیێ دێ ڤەكەت
هەولێر، قائید میرۆ:
بەرپرسێ لقێ 18 یێ ئامێدیێ ئاشكراكر، سەرۆكێ حوكمەتا هەرێما كوردستانێ ل دەڤەرداریا ئامێدیێ دو پڕۆژەیێن ستراتیژی دێ ڤەكەت و دبێژیت: پارتی پلان هەیە هێشتا خزمەتا دەڤەرا ئامێدیێ بكەت.
بەهرام عەریف یاسین، بەرپرسێ لقی 18 یێ پارتی ل ئامێدیێ بۆ رۆژناما ئەڤرۆ دیاركر، حوكمەتا هەرێما كوردستانێ درێغی نەكریە د گەهاندنا پڕۆژەیێن خزمەتگوزاری و چەندین پڕۆژەیێن ستراتیژی ل ئامێدیێ هاتینە ئەنجامدان و بەردەوام پڕۆژە دێ هێنە ئەنجامدان و گۆت: «یا د شیانێن پارتی دا بۆ ئامێدیێ دێ هێتە ئەنجامدان، ل نێزیك دو پڕۆژەیێن ستراتیژی ژ لایێ سەرۆكێ حوكمەتا هەرێما كوردستانێ ڤە ل دەڤەرا ئامێدیێ دێ هێنە ڤەكرن و كاریگەری ل سەر ڤەژاندنا ژێرخانا ئامێدیێ هەبیت».
گۆتژی: «ژ لایێ كەرتێ گەشتوگوزاری ڤە گرنگیەكا زۆر ب دەڤەرا ئامێدیێ دهێتەدان و ل داهاتی ئامێدیێ ل سەر ئاستێ ئیراق و هەرێما كوردستانێ دێ بیتە دەڤەرەكا گەشتیاریا هەژی و خەلك دێ ل هەموو دەڤەران سەرەدانا ئامێدیێ كەن، پارتی ل بەرە ب رێیا حوكمەتا هەرێما كوردستانێ یا بەردەوامبیت ل سەر گەهاندنا خزمەتگوزاریان بۆ ئامێدیێ، ئەم مزگینیێ ددەینە خەلكێ دەڤەرێ چەندین پڕۆژەیێن دیژی دێ ل ئامێدیێ هێنە ئەنجامدان».
