بەرپرسێ لقێ 18: ئەم پێكڤە دێ لیستا 275 یا پارتی سەرئێخین
ئامێدیێ، مەحمود نهێلی:
د بەردەوامییا هەوا هەلبژارتنان دا بۆ سەرئێخستنا لیستا 275 یا پارتی، بەهرام عریف یاسین، بەرپرسێ لقێ 18 یێ پارتی ل ئامێدیێ د پەیڤەكێ دا ل شێلادزێ بەحس ل گرنگیا ئێك هەلویستییا لایەنێن سیاسی یێن كوردستانی ل بەغدا كر و دبێژیت: هەر پارتییە پارێزەرا دەستكەفتێن گەلێ كوردستانێ و ئەوا دشێت رووبرووی پیلانێن نەیارێن ئازادی و دەستكەفتێن گەلێ مە ببیت.
ناڤهاتی گۆتژی: «ئەم پێكڤە بهێزترین، پارتی دێ هەر پارێزڤانیێ ل ماف و دەستكەفتێن گەلێ خوە كەت، كارێ هندەك لایەنان ب تنێ درووشمن و هەولا شكاندنا پارتییە، ژ بەر كو چو دی ل نك نینە و نەشێن چو بكەن، ئەڤرۆ ئەم ل ڤێرێ نینین ژ بۆ درووشمان، بەلكو ئەم ل ڤێرێ ئامادەبووینە ژ بۆ نووكرنا پەیاما د ناڤبەرا خوە و هەوە دا، پەیاما پاراستنا ئاخ و كەرامەتێ، رێزگرتن ل خوین و قوربانیدانێن شەهیدان، دابینكرنا پاشەرۆژەكا روون بۆ زارۆكێن مە، لەوما فەرە ب هەموو شیانان كار بكەین ژ بۆ بهێزتركرنا پێگەهێ پارتی ل بەغدا ژ بۆ مسوگەركرنا ڕێژا هەری مەزن یا دەنگان بۆ لیستا 275 و بزاڤێن رژد بكەین ژبۆ سەرئێخستنا بەربژارێن مە ل دەڤەرێ و كار بۆ سەرئێخستنا لیستا پارتی بكەین».
