«بۆ ئارامی و ئاڤەدانیێ وەلاتیێن زوممار دێ دەنگی دەنە لیستا 275 یا پارتی»
دهۆك، لەزگین جۆقی:
ئەندامەكێ مەكتەبا رێكخستنا پارتی ل پارێزگەها نەینەوا دیار كر، ب شێوەیەكێ فەرمی لیژنا سەرهلدان یا پارتی ل ناوچەداریا زوممار هاتە ڤەكرن و دەست ب بانگەشەیا هەلبژاتنان ل زوممار و هەمی دەڤەرێن سەر ب نەینەوا ڤە هاتیە كرن و دبێژیت: پارتی دێ پتریا دەنگان ب دەستخۆڤە ئینیت.
حەسەن خەلۆ، ئەندامێ مەكتەبا رێكخستنا پارتی ل پارێزگەها نەینەوا بۆ ئەڤرۆ گۆت: «پشتی هەشت سالان، دوبارە لیژنا سەرهلدان یا پارتی ل زوممار هاتە ڤەكرن، هەر جهەكێ پارتی تێدا هەبیت ئارامی و ئاڤەدانی لێ هەیە و خەلكێ زوممار بۆ ئارامی و ئاڤەدانیێ دێ دەنگی ب لیستا 275 یا پارتی دەن».
