بەرپرسێ لقێ هەشت سمینارەك ل دۆر پشتەڤانیكرنا لیستا 275 پێشكێش كر
زاخۆ، دلۆڤان هالۆ:
عومەر ئۆرەیی، بەرپرسێ لقێ هەشت یێ پارتی ل زاخۆ دوهی 27/10/2025 د گەل دا جەبار حەجی، بەرپرسێ بەشێ رێكخستنێ، سمینارەكا جەماوەری پێشكێشی هەژمارەكا جەماوەر و كەسایەتیێن سنۆرێ لیژنا ناوچا هیزل یا پارتی كر.
ناڤهاتی د سمینارا خۆ دا رۆناهی ئێخستە سەر پشتەڤانیكرنا لیستا 275 یا پارتی و بەربژارێن وێ بۆ پەرلەمانێ ئیراقێ و گۆت: «رۆلێ پارتی دیموكراتی كوردستان ب رێبەریا سەرۆك بارزانی بۆ راگرتنا هەڤسەنگیا رەوشا نوكە یا دەڤەرێ ئینا زمان».
دیسا هەر دوهی 27/10/2025 عومەر ئۆرەیی، بەرپرسێ لقێ هەشت یێ پارتی ل زاخۆ پێشوازی ل نەوزاد هادی، ئەندامێ مەكتەبا سیاسیا پارتی و بەرپرسێ مەكتەبا رێكخستنا پارتی ل پارێزگەها نەینەوا و شاندەكێ د گەل دا كر و د ڕوونشتنەكێ دا بەحس ل بانگەشەیا هەلبژارتنان و پرۆسەیا دەنگدانێ بۆ وان وەلاتیێن سەر ب پارێزگەها نەینەوا ڤەنە و ل سنۆرێ ئیدارا سەربخوە یا زاخۆ ئاكنجینە هاتە كرن.
