پێدڤییە پەیامنێر ب وەفا و خودان رێز بیت
بێوار حەمدی:
ئازاد نوری، پەیامنێرێ كەنالێ كوردستان تیڤی، د دیدارەكێ دا بۆ رۆژنامەیا ئەڤرۆ گۆت: بەری ئەز ببمە پەیامنێر من كارێ وێنەگریێ دكر، لێ پشتی دەمەكی ئەز بوومە پەیامنێر و ب دیتنا من پەیامنێرێ سەركەفتی ئەوە ئەتەكێتێن راگەهاندنێ باش بزانیت و پەیرەو بكەت، هەروەسا كەسەكێ شارەزا بیت د زمانی دا دا پەیڤێن ژ دەڤێ وی دەردكەڤن ب ساناهی بگەهنە گوهدار و بینەران.
هەروەسا گۆت: ب دیتنا من ئێك ژ پیڤەرێن هەرە گرنگ بۆ پەیامنێری ئەوە یێ ب وەفا و خودان رێز بیت بەرامبەر وان كەسان یێن كو دەلیڤێ ددەنێ دا كو بشێت پتر كەسایەتیا خوە ئاڤا بكەت و هیڤیا من ئەوە ئەز بشێم ب رێكا كەنالێ دایك خزمەتا وەلاتێ خوە و باژێڕێ خوە بكەم، هەروەسا ببمە پرەك دناڤبەرا خەلكی و جهێن شۆلەژێ دا بۆ گەهاندنا هەر داخوازی و ئاستەنگەكێ ب مەرەما چارەسەركرنێ.
