پێدڤیە وێنەگری چاڤەكێ جودا هەبیت
سندس سالح سلێڤانەیی:
وێنەگر (سامان حازم ئەسعەد) د دیدارەكێ بۆ رۆژنامەیا ئەڤرۆ گۆت: ل سالا 2014 من دەست ب كارێ وێنەگریێ كریە و حەزژێكرنا من بۆ سرۆشتێ جوانێ كوردستانێ بۆ ئەگەر كو دەست ب وێنەگرتنێ بكەم.
هەروەسا گۆت: ل دەستپێكێ من وێنەیێن سروشتی و مرۆڤان، ب تایبەت ژی وێنەیێن (مامەلەیان) دگرتن، پاشی كارێ من بەرفرەهتر لێ هات و من پشكداری د هژمارەكا خۆل و وورك شۆپان دا كر و حەزدكەم ب رێیا گرتنا وێنەیان خزمەتا مرۆڤایەتیێ بكەم و هەردەم ئەز دبێژم پێدڤیە وێنەگری هزرەكا جوان بۆ گرتنا وێنەی هەبیت، هەروەسا چاڤەكێ جودا بۆ گرتنا وێنەیان هەبیت، چنكو بۆ گرتنا هەر وێنەیەكی وێنەگر پێدڤی ب تەكنیەكا جودا دبیت، بۆ نموونە گرتنا وێنەیێ سینەمایی و سروشتی هەر ئێكی رێكا خوە یا تایبەت هەیە، بۆ زانین ئەز نوكە وێنەیێن سرۆشتی دگرم، هەروەسا دچمە دەواتان ژی وێنەدكەم و من دڤێت ب ریكا گرتنا وێنەیان جوانی و نازكیا كورد و كوردستانێ نیشا خەلكێ جیهانێ بدەم.
