جەماوەرێ ناوچەداریا دەركـارێ پشتەڤانیا لیستا 275 یا پارتی دكەن
زاخۆ، دلۆڤان هالۆ:
عومەر ئۆرەی، بەرپرسێ لقێ هەشت یێ پارتی و د گەل دا جەبار حەجی، بەرپرسێ بەشێ رێكخستنێ، دوهی 29/10/2025 سمینارەكا جەماوەری پێشكێشی هەژمارەكا جەماوەر و كەسایەتیێن سنۆرێ لیژنا ناوچا دەركارێ یا پارتی ل سنۆرێ ئیدارا سەربخوە یا زاخۆ كر.
عومەر ئۆرەی، د سمینارا خۆ دا رۆناهی ئێخستە سەر پشتەڤانیكرنا لیستا 275 یا پارتی دیموكراتی كوردستان و بەربژارێن وێ بۆ پەرلەمانێ ئیراقێ.
د تەوەرەكێ دیتر یێ سمینارێ دا رەوشا نها یا هەرێما كوردستانێ و ئیراق تێدا دەرباز دبیت بەحس كر، هەر دیسا رۆلێ پارتی دیموكراتی كوردستان ب رێبەرایەتیا سەرۆك بارزانی بۆ راگرتنا هەڤسەنگیا رەوشا نوكە یا دەڤەرێ ئینا زمان.
