بەرپرسێ لقێ 20 ل شێخان: بانگەشەیا هەلبژارتنان ل شێخان یا گەرمە
دهۆك، لەزگین جوقی:
بەرپرسێ لقێ 20 یا پارتی ل دەڤەرداریا شێخان بۆ رۆژناما ئەڤرۆ دیار كر، دەنگدەرێن سنۆرێ دەڤەرداریا شێخان ل سەر دو بازنەیان بەلاڤبووینە و دبێژیت: 50 هزار دەنگدەرێن شێخان بازنێ نەینەوا نە و نێزیكی 50 هزار دەنگدەرێن دەڤەرداریا شێخان سەر ب بازنێ دهۆكێ ڤە نە.
سالح حەیدەر، بەرپرسێ لقێ 20 یا پارتی ل دەڤەرداریا شێخان گۆت: «بانگەشەیا هەلبژارتنان ل شێخان گەلەكا گەرمە، ل دووڤ پلان و بەرنامێ پارتی هەمی بەرهەڤیێن هەلبژارتنان هاتینە كرن ل سەر ئامار و داتا و خۆ بەرهەڤكرن بۆ هەلبژارتنان، مە وەكو لقێ 20 یێ پارتی بەرهەڤێن مەزن بۆ هەلبژارتنان كرینە».
گۆتژی: «ئەم ل دووڤ رێنمایێن سەركرداتیا پارتی كار دكەین، هەتا نوكە چو سەرپێچی نەهاتینە كرن، ل دووڤ رێنما و یاسایا كۆمسیۆنا هەلبژارتنان، بانگەشەیا هەلبژارتنان یا دهێتە كرن و هەتا نوكە چو سكالا نەهاتینە تۆماركرن».
