بەرسڤا لیستا ژمارە (275) كار و پرۆژەنە
مەتین سەباح جمعە
پارتی دیموكراتی كوردستان حزبا دایكە و خوەدی زێدەترین جەماوەرە، خەلكێ كوردستانێ هشیارە و دزانیت كیژ حزب و لایەن دشێت خزمەتا كوردستانێ بكەت، دوژمن و نەیارێن كوردستانێ دەما دبینن ل هەرێما كوردستانێ نەشێن ركابەریا پارتی دیموكراتی كودستان بكەن؛ نهو ب رێكا دەستێن دەرەكی و هندەك عەرەبێن شۆفینی ل بەغدایێ و ب رێكا چەواشەكاری و میدیایێن سیبەر بزاڤێ دكەن دەنگ و سەنگێ پارتی ل بەغدا كێم بكەن، لەوما هەلبژارتنا گەڕا شەشێ یا پەرلەمانا بەغدا گرنگیەكا زۆر هەیە ب پشتەڤانیا خۆدێ و سەركردایەتییا پارتی و جەماوەرێ كوردستانێ پارتی دیموكراتی كوردستان د وێ باوەری یێ دایە كو ڤێ جارێ پتر ژ ئێك ملیۆن دەنگان ب دەستڤە بینیت و ببیتە بهێز ترین پارت و حزب ل بەغدا. ل دویڤ قانوونێن كۆمسیۆنا بالای هەلبژارتنێ، هەمی لایەن ئازادن 30 رۆژا بانگەشەی بۆ خۆ بكەن و پلان و كار و بەرنامەیا حزبا خۆ ل بەغدا ئاشكرا بكەن، پارتی دیموكراتی كوردستانێ ژی ب رێكا ژمارە 275 ژمارەكا مرۆڤێن زانا و كوردپەروەر و دلسۆز ل سەر لیستا پارتی دیموكراتی كوردستان دەستنیشان كریە, بانگەشەیێ دكەت، دا پڕانیا كورسیێن پەرلەمانێ ئیراقێ بۆ پارتی بیت،پارتی ل ژێر درووشمێ (هەڤپشكی، هەڤسەنگی و لهەڤكرن) پێكۆلی دكەت ببیتە هێزا ئێكێ ل بەغدا، ب دیتنا من ئەو قووناغا دەرباز بوویە و خەلكێ كوردستانێ هشیارە و باش دزانیت تنێ پارتی دیموكراتی كوردستان دشیت بەرەڤانیێ ژ دۆزا رەوایا گەلێ كورد بكەت، لەوما حزب و لایەنەیێن دی ژ بەر كو بێ دەستهەلاتن و وان هیچ تشتەك پێ چێ نابی تنێ جڤین و ئیهانا پارتی دكەن، ل بەرانبەر دا پارتی ل بەرسڤا نەیاران پرۆژە و جادە و خوشگوزەرانی و تەناهیا خەلكێ كوردستانێ بەر ب پێشڤە دبەت، رۆژانە پرۆژەیێن مەزن جادە و بەنداڤ و كارگەه و زانكۆ و كەرتێن گەشتیاری و چاندنێ ل سەر دەستێ پارتی دیموكراتی كوردستان دهێنە ڤەكرن، ئیدی خەلك هشیارە و ئەم پشتراستین كو ل رۆژا (11/11/2025) خەلك دچنە دەنگدانی و سندۆقێن دەنگدانێ تژی دكەن ل دەنگێ زەر و ئاهەنگا سەركەفتنێ دگێرین.پارتی ل بەغدا خەباتێ دكەت بۆ چەسپاندنا مافێ گەلێ كوردستانێ و دبیتە پارسەنگا دانانا سیاسەتا رۆژهەلاتا ناڤین و نهو كوردستان ل سەر دەستێ مالا بارزان كەفتیە سەر نەخشەی جیهانێ ژ بۆ نەفتێ ل پاشەرۆژەكا نێزیك، ب ئاناهیا خۆدێ ل سەر دەستێ پارتی گازا كوردستانێ ژی دگەهیتە بازارا جیهانێ، لەوما ل سەر مە هەمیان پیدڤی یە ژن و مێر گەنج و پیر و كال هەمی بچنە سەر سندۆقێن دەنگدانێ و دەنگێ خۆ بدەینە لیستا شەهیدان، لیستا خۆ نەچەماندنێ و یا داستانا پردێ و سحێلا لیستا ژمارە 275. ژ بەر كو تنێ پارتی دیموكراتێ كوردستان دشێت شەرەف و كەرامەت و خاك و ئاسمانا كوردستانێ بپارێزیت. ژڤانێ مە رۆژا 11/11 ل سەر سندوقا دەنگدانێ پێشە و پێش سەركەفتنا لیستا 275 ل هەوە هەمیا پیرۆز دكەم.
