كەرنەڤالەكا جەماوەری بۆ پشتەڤانیا لیستا 275 ل دەشتا نەینەوا هاتە كرن
دهۆك، لەزگین جوقی
بەرپرسێ پشكا هەلبژارتنان ل مەكتەبا رێكخستنا پارتی ل پارێزگەها نەینەوا بۆ رۆژناما ئەڤرۆ دیار كر، دوهی 2/11/2025 ل خەتارێ یا سەر ب پارێزگەها نەینەوا ڤە كەرنەڤالەكا جەماوەری بۆ پشتەڤانیا لیستا 275 یا پارتی هاتە كرن.
د. سەیدۆ چەتۆ، بەرپرسێ پشكا هەلبژارتنان ل مەكتەبا رێكخستنا پارتی ل پارێزكەها نەینەوا گۆت: «ل پارێزگەها نەینەوا بانگەشەكا باش ژ لایێ بەربژارێن پارتی و جەماوەرێ پارتی بۆ پشتەڤانیا لیستا 275 یا پارتی دیموكراتی كوردستان دهێتە كرن»
گۆتژی: «خەلكێ دەڤەرێن كوردستانی یێن دەرڤەی ئیدارا هەرێما كوردستانێ و ماددەیێ 140 بەردەوام پشتەڤانیا لیستا پارتی دكەن، خەلكێ مە دێ دەنگێ خۆ دەتە لیستا 275 یا پارتی دیموكراتی كوردستان و بەربژارێن پارتی بۆ ئارامی و ئاڤەدانیا زێدەتر یا هەمی دەڤەران».
