ئافرەتێن دێرەلۆكێ: دەنگـێ مە ل گەل ئێك ملیۆن دەنگێن پارتییە
ئامێدیێ، مەحمود نهێلی:
ب بەرهەڤبوونا بەهرام عریف یاسین، بەرپرسێ لقێ 18 یێ پارتی ل ئامێدیێ و بەرپرسێ لژنا بلندا هەوا هەلبژارتنان ل دەڤەرداریا ئامێدیێ، ئەندامێن لژنا بلند، سەپەرشت و بەرپرس و ئەندامێن میحوەرێ دێرەلوكێ و هەرسێ بەربژارێن دەڤەرێ (كەوێ میرو، ئیبراهیم عەگید و بەیار سەفەر)، ل هۆلا بیرەوەریان ل دێرەلۆكێ خرڤەبوونەكا پشتەڤانیێ بۆ لیستا 275 ب پشكداریا زێدەتری 600 ئافرەتان ب رێڤەچوو.
بەرپرسێ لقێ د پەیڤەكێ دا بەحس ل گرنگییا پشكداریا ب هێز یا پارتی ل پەرلەمانێ ئیراقێ كر و دەستخوەشی ل ئافرەتێن دێرەلۆكێ كر، بۆ ڤێ بەرهەڤبوونا مەزن و گۆت: «ئەڤە دەربڕینێ ژ دلسۆزیا وە بۆ پارتی و رێبازا بارزانیێ نەمر دكەت».
بەرپرسێ لقێ تەكەزی ل سەر ڕۆلێ ئافرەتێ كر و گۆت: «پشكداریا بەرفرەها ئافرەتان د هەلبژارتنان و پشتاڤانیا لیستا 275 دا نیشانا سەركەفتنێ یە».
