درووشمێ پارتی
سەلاح سندی
هەڤپشكی و هەڤسەنگی و لهەڤكرن ب راستی پارتی خودان درووشمەك راستەقینەیە و خۆدان پلان و بەرنامە و سەربوورە، چونكی درووشمێ پارتی دیموكراتی كوردستان نە بتنێ بۆ بانگەشەیا هەلبژارتنا هاتیە گۆتن و بەلاڤكرن ل سەر پۆستەركێ، ئەڤە مە هەر ژ پارتی دیتییە كا چاوا ئەڤ درووشمە كرنە كریار، بۆ نموونە ل دەمێ بانگەشەیا هەلبژارتنان كا چەند دژاتیا پارتی دئێتەكرن و هەمی لایەنێن سیاسی ئوپوسیۆن ب تایبەتی هەر كێماسیەكا هەبیت، دێ پارتی تۆمەتبار كن د هەمان دەمی دا هەڤپشكن د هەمی دەستكەفتیێن پارتی دا، هەر دەمێ هەلبژارتن ب دوماهیك هات، پارتی دێ ل رێزا ئێكێ ئێت و دێ گازی هەمی لایەنێن سیاسی كەت وەرن ل گەل مە هەڤپشك بن د حوكمەتا هەرێما كوردستانێ دا، ئەڤە ئێك ژ درووشمێ پارتی بوویە؛ ل دەمێ گۆتی هەڤپشكی هەر لایەنەكێ پشكداری حوكمەتێ بت پارتی هاریكار بوویە، هندەك جاران دەستبەردی هندەك پۆستان بوویە، دا بەلانسا سیاسی هەڤسەنگی بیت، ئەڤە ژی ئێك ژ درووشمێ پارتی یە دەمێ دبێژیت هەڤسەنگی، هەر لایەنەكێ پێنگاڤەكێ بەرەڤ لایێ پارتی بهێت، پارتی دێ دو پێنگاڤان پێشوازیێ لێ كەت و بەر ب وی لایەنی سیاسی ڤە چوویە، بۆ لهڤكرنێ، پارتی چ جاران خزمەتكرن نەكریە منەت؛ بەلكو ب ئەركێ خوە زانییە، هەر وەكی برا گەورەی ل كەرنەڤالا هەوا بانگەشەیا هەلبژارتنان ل زاخۆ ئاماژە پێ كری چەند دژاتیا پارتی بهێتەكرن؛ پارتی ب هێزتر لێهاتیە؛ جەماوەر و دەنگدەرێ پارتی زێدەتر بووینە، درووشمێ سەرۆكێ پارتی و جەنابی سەرۆكی و لێڤەگەرێ كورد (پارتی دار بەڕوی یە نە ب سۆتنێ؛ نە ب بڕینێ ژ ناڤ ناچیت).
