شـۆڕەشـا پـرۆژەیـان و ئـاڤـەدانیا كـوردستانـێ
زیاد كانیباسكی
بەری نها ل دەمێ بەحسی خەبات خۆراگریا گەلێ مە ل دژی سیتەما رژێما ژ ناڤچووی دهاتەكرن، ئێكەسەر باسێ شۆرشا ئیلۆنا مەزن ئەوا سەرانسەری كوردستانێ ڤەگرتی وەكی ئێك گیان د لەشێ هەمی كوردستانێ ب سەركێشیا بابێ روحی بارزانی نەمر كو حوكمەتا ئیراقێ نەچاركری رێكەفتناما 11 ئادارێ ئیمزا بكەت ل گەل شۆرەشێ، ئەڤە بەرهەمێ شورەشا ئیلۆنێ بوو كو مەزنترین دەستكەفتا گەلێ مەیە، حوكمەتا ئیراقێ دانپێدان ب مافێن گەلێ مە كری. دیسا دەمێ بەحسی شۆرشا گولانێ دئێتەكرن ب سەركێشیا جەنابێ سەرۆك مسعود بارزانی دەمێ 14 سالا بەرگری و خۆراگری تا سەرهلدانا پیرۆز ل سالا 1991 ب دەستڤەهاتی، ب دیتنا من بەرهەمێ هەردو شۆرشا ئیلۆنێ گولانێ سەرهلدانا پیرۆز ژێ بەرهەم هات كو مەزنترین دەستكەفتە، دیسا دوبارە بەرهەمێ سەرهلدانا پیرۆز، گەلێ مە ریفراندۆم پیرۆز كو ناسنامەیا دەولەتا كوردیە بەرهەم هات ب شانازی ڤە ل سەردەستێ سەرۆك بارزانی (دیسا بەرهەمێ ریفراندۆما سەربخۆیا كوردستانێ، ئەڤرۆكە مەزنترین شۆرشا ئاڤەدانیێ ل هەرێما كوردستانێ دەستپێكریە ب سەرۆكاتیا بەرێز مەسرۆر بارزانی كو ئەڤرۆكە هەمی جیهان حێبەتی مایە، نینە حەفتیەك دەرباس بیت پرۆژەكێ سراتیجی ل هەرێما كوردستانێ نە هێتە ڤەكرن و دكەڤیتە خزمەتا خەلكێ مە دا كو ب ژیانا هەمی خەلكی ڤە گرێدایە، بۆ نموونە كارەبا 24 دەمژمێری وەكی خەونەكێ بو و چەندین پرۆژەیێن ئاڤێ یێن مەزن و چەندین رێكێن جۆتساید و چەندین سایلۆیێن گەنمێ جۆتیارا و چەندین كارگەهێن پێشەسازیا خوارنێ و ژ بلی سەدان پرۆژەیێن مەزن و ب هزاران پرۆژەیێن بچویك بارستی مرۆڤ حێبەتی دمینت دەمێ ڤێ ئاڤەدانیێ ل هەرێما كۆردستانێ دبینیت)، سەرەرای چەندین قەیرانێن داڕای و بڕینا بودجەیا هەرێما كوردستانێ ژ لایێ حوكمەتا ئیراقێ ڤە و فشارێن پتریا لایەنێن كوردی یێن ناڤخۆی بۆ دژاتیا كابینەیا نەهێ یا حوكمەتا هەرێما كوردستانێ ب سەرۆكاتیا سەرۆك وەزیران مسرۆر بارزانی بەلێ ئیرادەیەكا ب هێز و پڕ باوەری بخۆبوون و خۆنەچەمان د ناڤ رێبازا پارتی بارزانی ب رێنمایێن بەرێز سەرۆك مسعود بارزانی پشتەڤانیا خەلكێ دلسۆز و خۆڕاگرێ هەرێما كوردستانێ كو ئەڤرۆ خۆ سەربلند دبینین، دێ ل دوماهیێ گۆتنەكا بەرێز مەسرۆر بارزانی بێژمە (ئەم نابێژین دێ ڤی كاری ئەنجامدەین ئەم دێ بێژین مە ئەڤ كارە ئەنجام دا).
